UM MIG

Ég hef aldrei verið sérstaklega góð í að halda mig á einni hillu.

Portrettmynd

Forvitnin hefur haldist nokkuð stöðug.

Ég hef unnið við sjónvarp, tölvuleiki, auglýsingar, fjarskipti, hönnun, tækni og greiðslulausnir. Framleitt Idol, unnið að EVE Online, byggt upp hönnunarstúdíó og komið að alls konar verkefnum sem byrjuðu sem hugmynd á blaði og enduðu sem eitthvað sem fólk gat séð, notað eða tekið þátt í. Það sem hefur haldist nokkuð stöðugt er forvitnin. Mér finnst gaman að skilja hvernig hlutir virka, finna út hvernig þeir gætu virkað betur - og helst fá gott fólk með mér í það.

Mér finnst gaman að skilja hvernig hlutir virka - og hvernig þeir gætu virkað betur.

02 / TÓNLIST

Utan vinnu hefur tónlist líklega verið stærsti rauði þráðurinn. Ég lærði á píanó, söng í kór í tuttugu ár, vann árum saman í Skífunni og eyddi svo tveimur árum í að ferðast um heiminn sem bakraddarsöngkona með GusGus.

Í tveggja hæða rokkrútu, að sjálfsögðu.

03 / ÝMISLEGT

Ég hef líka mikinn áhuga á myndlist og hönnun og sit í stjórn Listasamstæðu Kviku. Hjólreiðar eru stór hluti af lífinu í kringum mig í gegnum Kríu Hjól, sem maðurinn minn á og rekur, og við höfum bæði haft gaman af því að leggja okkar af mörkum til opins og jákvæðs hjólreiðasamfélags.

Ferðamynd

04 / ÚT

Helst eitthvert sem ég hef ekki komið áður.

Svo eru það ferðalögin. Ég vil helst vera úti, fara eitthvert sem ég hef ekki komið áður, ganga upp eitthvað fjall, finna skrýtið safn, borða eitthvað sem ég kann ekki að bera fram og tala við fólk sem ég hefði annars aldrei hitt. Ég les mikið, hlusta á tónlist enn meira og er almennt hrifin af nýjum hlutum.

Kannski útskýrir það ferilinn ágætlega.

SKOÐA FERIL →